Организирана прослава на Бадник за првпат во месната заедница „Панче Пешев“

„Ќе подготвиме закуска, грав, баници- се како што доликува на Бадник и како што налага традицијата. Ќе се дели и бадникова погача со паричка, а оној кај кој ќе се падне паричката ќе ја има честа да биде кум на прославата следната година. Токму тоа е и намерата, да се прослави еден убав ден во заедницата и со луѓето со кои секојдневно се среќаваме“, објаснува Бобан Кипријановски, еден од иницијаторите.

Деновиве ќе се информираат сите станари на зградите од двете страни на булеварот да се приклучат на прославата, а интерес покажале и дел од жителите во индивидуални семејни куќи.