Специјална награда за невестинска фризура за студио „Нате“ во Ниш

Во силна конкуренција на фризери од земјава и регионот, Додевска доби посебно признание од стручното жири за изработка на свечена невестинска фризура.

„Наградата е потврда за креативноста, сигурноста и беспрекорната техника што се неопходни при изработка на ваков вид фризури. Јас бев единствената што работеше на модел пред публиката и стручното жири, за разлика од останатите кои работеа на кукли. Тоа беше препознаено и наградено од комисијата. Благодарна сум, бидејќи ова не е само фризура, туку и мој печат на еден посебен момент во животот на секоја жена. Благодарност и до моделот што ја изнесе креацијата со стил и грациозност“, вели Додевска.

Таа додава дека натпреварите се места каде што се разменуваат идеи со колегите, но пред сè се можност за дружење и воспоставување контакти за идна соработка.

Минатата година Додевска освои прво место за невестинска фризура на меѓународен натпревар на фризери во Сицилија.

Студиото и академијата „Нате“ постојат повеќе од 20 години, а потврда за нивниот квалитет се бројните награди и признанија освоени во земјава и во странство, меѓу кои и во Бугарија, Босна и Херцеговина и Италија.

(ПР текст)