Во Загреб е отворена изложба на фотографии на Фото клуб „Козјак“

Во Фото клубот „Загреб“ во Загреб синоќа е отворена изложба на фотографија на членови Фото кино клубот “Козјак“ од Куманово. 

На клупската изложба „Луѓе“  прикажани се 60 фотографии од повеќе автори Марјана Павличек, Милош Нешковски, Дејан Краљевски, Иван Михајловиќ, Филип Илиевски и Марјан Јаневски.

„Ова е кулминација на повеќегодишна плодна соработка помеѓу членовите на ФКК Куманово и ФК Загреб. Се прават договори и искрено се надеваме дека колегите, уметнички фотографи од Загреб наскоро ќе ни возратат на посетата со своја поставка во Куманово“, истакна претседателот на клубот Милош Нешковски.

Фото кино клубот Козјак е најстар активен клуб во државата формиран во 1948 година, а моментално брои 12 активни членови. До сега има организирано бројни бесплатни основни курсеви за уметничка фотографија. Традиционално ја одржува изложбата „Мајски салон“ кога се претставуваат со делата изработени од нивните членови, а до сега на изложбата му гостуваа фотографи од Марибор и Лексовац.

Изложбата во Загреб ќе биде отворена до крајот на февруари.