Започнува Меѓународната ликовна колонија „Куманово“

Оваа година учество ќе земат 11 автори од Србија, Романија, Бугарија и Македонија.

Cвоето присуство го потврдиле: Вангел Коџоман, Филип Јовески, Вангел Крстиновски и Далибор Крстевски од Македонија, Светозар Тасиќ, Ксенија Бариќ и Весна Петровиќ од Србија, Костин Британи и Александра Бациу од Романија, и  Дарина Дочева и Тома Тодоров од Бугарија.

„Уметниците, традиционално ќе работат сликарство, дела на платно во повеќе ликовни техники (масло, акрил, комбинирана). За време на нивниот престој ќе ги посетат културно-историските споменици во Куманово и околината“, соопшти организаторот.

Колонијата ќе заврши со изложба на создадената продукција на 11 август. 

Колонијата ја организира Музеј-Куманово, под покровителство на  Министерството за култура и туризам и Општина Куманово.

Ликовната колонија „Куманово“ е една од најстарите во државата, основана е во 1974 година, минатата година одбележа голем јубилеј-50 години постоење.