Зачленете се во нашиот клуб на читатели и најновите текстови ќе ги добивате на вашата мејл адреса
Потпретседателот на Владата и министер за внатрешни работи Оливер Спасовски е единствен кандидат на општинската организација на СДСМ Куманово за претседател на Македонија.
„Општинската организација на СДСМ Куманово, како најголема општинска организација во партијата, а воедно и матична општинска организација на Оливер Спасовски, со одлука на извршниот одбор едногласно донесе одлука нашиот партиски другар Оливер Спасовски да биде единствен кандидат за претседател на Република Македонија на престојните претседателски избори. Со ова се надеваме дека ќе успееме да имаме претседател на држава од Куманово,“-изјави Мартин Костовски, претседател на општинската организација на СДСМ Куманово.
Спасовски добил едногласна поддрша и од сопартијците во Старо Нагоричане, Ранковце, Крива Паланка, a во Кратово имало 5 кандидати.
Предлозите се доставени до централата, по што во координација на највисокиот партиски врв ќе се разгледаат сите пристигнати предлози, а по одлука на централниот одбор, изборот за кандидат за претседател на Македонија од СДСМ ќе се изврши на партискиот конгрес во недела на 3 март.
Покрај Оливер Спасовски, најсериозни кадидати се и Радмила Шекеринска, Стево Пендаровски и Никола Димитров.
Зачленете се во нашиот клуб на читатели и најновите текстови ќе ги добивате на вашата мејл адреса
