Ракометарите на Куманово го победија Радовиш

Ракометарите на МРК Куманово со победа стартуваа во плеј- аут фазата на Супер лигата, ја победија екипата на Радовиш со резултат од 24:19.

 Натпреварот се играше на домашен терен, во салата на средното училиште „Перо Наков“ во Куманово.

По негатива од два гола, на крајот на првото полувреме (10:12), уште на стартот на вториот дел кумановци ја консолидираа играта- првиот погодок радовишани го постигнаа во 13 минута. Најголема заслуга имаше голманот Христијан Михајловски, но и одбраната на МРК Куманово беше поцврста, па тогаш започна и пресвртот на натпреварот.

Младинскиот репрезентативец Давид Димевски постигна дури 14 погодоци, кај тимот на Радовиш Илиев имаше 5 голови.

МРК Куманово се наоѓа на 3 место на табелата, со вкупно 4 бода, откако пренесе 2 од регуларниот тек на првенството. Следниот натпревар ќе гостува кај истоимениот тим во Струга, во сабота, 5 април.

Првенството завршува во првата декада на јуни, а дотогаш МРК Куманово во 6 меча треба да обезбеди опстанок во Супер лигата на Македонија.