Зачленете се во нашиот клуб на читатели и најновите текстови ќе ги добивате на вашата мејл адреса
Бројот на регистрирани земјоделци кои исполнуваат услов за картица за зелена нафта на подрајчето на ПЕ Куманово е 4040, од кои до сега 78 ги подигнале своите картички чија вкупна вредност изнесува 428 525 денари, објави СДСМ на денешна прес конференција.
„Од почетокот на овој месец започна да се реализира една од клучните мерки од програмата на Владата, преку Министерството за земјоделство, шумарство и водостопанство. Поделени се картички на земјоделци за користење на зелената нафта, односно за набавување на 30 отсто поефтина нафта за земјоделска механизација. Мерката ќе ја користат 55 000 земјоделци кои се регистрирани за обработка на градинарски и полјоделски култури, лозови и овошни насади и оние кои поседуваат обработливо земјиште, а воедно кои поднеле единствено барање за субвениции по програмата за директни плаќања 2018 година“, - изјави Катерина Пешиќ Бошковска, портпарол на Општинската организација на СДСМ Куманово.
Со оваа мерка, околу 200 000 милиони денари ќе завршат директно кај земјоделците. Пресметката за тоа, кој земјоделец колкава сума ќе има на картичката, зависи од видот на произвотството кое го пријавил за субвенционирање, при што минималниот износ за малите производители изнесува 500 денари, а највисокиот износ е лимитиран до 100.000 ден. Младите земјоделци ќе бидат ослободени од плаќање на закупнина во период од 3 години.
„Со расположливата сума од картичката, може да се точи исклучиво евродизел за земјоделска механизација, а крајниот рок за користење на средствата е април 2020 год. Ваквата мерка е одговор на деценсиките проблеми на земјоделците, со која се покажува вистинска грижа за земјоделството. Зелената нафта обезбедува помали трошоци за работа, поконкурентно произвотство и повеќе пари за секој земјоделец, - додаде Пешиќ Бошковска.