Зачленете се во нашиот клуб на читатели и најновите текстови ќе ги добивате на вашата мејл адреса
Денеска се одбележува Први Мај - Меѓународниот ден на трудот, кој е посветен на борбата за зачувување и унапредување на правата на работниците.
Меѓународниот ден на трудот се одбележува во знак на почит кон жртвите на штрајкот што се одржал од 1 до 4 мај 1886 во Чикаго. Штрајкот бил организиран со цел да се воведе 8-часовен работен ден, но била употребена сила од страна на полицијата, при што имало и жртви. Подоцна, организаторите на штрајкот биле изведени на суд, при што четворица од нив биле и погубени.
Во знак на почит кон жртвите од чикашкиот штрајк, Втората интернационала на својот оснивачки конгрес во 1889 донела декларација со која се повикуваат работниците од целиот свет на демонстрации на 1 мај со цел да ја подобрат својата положба. Оттогаш, традиционално, на 1 мај секоја година во повеќето земји ширум светот се одржувале демонстрации во знакот на одбележувањето на Меѓународниот ден на трудот.
Меѓународниот ден на трудот е државен празник во повеќе земји во светот, пред се во комунистичките и бившите комунистички земји.
Во Република Македонија, Меѓународниот ден на трудот има статус на празник и се одбележува еден ден.
Кумановци традиционално денеска ќе заминат во излетничките места во Пелинце, Студена Вода и на ливадите по течението на речата Пчиња.