Зачленете се во нашиот клуб на читатели и најновите текстови ќе ги добивате на вашата мејл адреса
Општинската организација на СДСМ, денеска реагираше на вчерашната прес конференција на ВМРО ДПМНЕ и најостро ги демантираше изнесените информации.
Десетината партиски војници кои по инструкција на партиското раководство на ВМРО-ДПМНЕ беа соберени пред зградата на поранешен Комитет се претставуваат како стотина граѓани. За првпат се случува во историјата на демократските уредувања, власта да протестира пред седиштата на опозиционите партии. Дали е ова знак на уплашеност од паѓањето на рејтингот на вашата партија и на вашиот лидер Груевски - праша портпаролот Дарко Станојковски.
Тој смета дека граѓаните на Куманово се доволно политички зрели за да ги препознаат вистинските вредности, а тоа го покажале и на последните избори, кога ВМРО ДПМНЕ катастрофално изгуби во Куманово.
Најголемите фирми во Куманово беа затвроени во времето на вашето владеење, кога Груевски беше министер. Дали мислите дека кумановци се со кратко паметење да го заборават тоа? Само таксативно ќе ги спомнам „1 Мај„, Диер ,Печатница, Полет, Текстилпромет, ЗИК и уште многу други. Што направи оваа влада сега на чело со Груевски за Куманово и кумановчани? Ниту еден денар од државната каса не се слеа во Куманово? Ниту еден проект директно финансиран од Валата не е реализиран за граѓаните на Куманово - рече Станојковски.
Тој им се заблагодари на подршката на граѓаните кои присутсвуваа на презентацијата на опозициониот фронт.