×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Flex Credit

    Миле Зечевиќ на Водици воопшто не бил тестиран за ковид-19

    28.01.2022 07:09 | KumanovoNews | Преземено од: vistinomer.mk

    Генералниот секретар на СДСМ, Зечевиќ, на 19 јануари присуствувал на церемонијата на фрлање на светиот крст во Охридското Езеро, по повод големиот христијански празник Богојавление Водици. Но, тој ден Зечевиќ немал симптоми и воопшто не бил тестиран. ПЦР тест направил на 20 јануари и резултатот бил позитивен. Директорката на Државниот здравствен и санитарен инспекторат, доктор Ирина Сотирова Бухова, изјави дека Зечевиќ не е во системот на тестирани лица на 19 јануари, напоменувајќи дека според Законот, самоизолацијата следува од моментот на тестирањето

    Миле Зечевиќ на Водици воопшто не бил тестиран за ковид-19 Фото: vmro-dpmne.org.mk

    ВМРО ДПМНЕ преку соопштение за јавноста, на 24 јануари 2022 година, изјави дека генералниот секретар на СДСМ, Миле Зечевиќ, позитивен на коронавирусот се шетал низ Охрид на Водици.

    Миле Зечевиќ позитивен на корона се шетал низ Охрид на ден Водици. Миле Зечевиќ без заштитна маска имал средби со луѓе, и го ставил здравјето на стотици луѓе во опасност. Ја повикуваме директорката на Центарот за јавно здравје да го осуди однесувањето на Зечевиќ и да побара кривична пријава за него. Го повикуваме и Зечевиќ да го објави резултатот од тестирањето. СДСМ да запре да биде причина за ширење за зараза, наведоа од ВМРО ДПМНЕ во соопштението за јавност.

     

    [Извор: веб-страница на ВМРО-ДПМНЕ; Датум: 24.01.2022]

    ОБРАЗЛОЖЕНИЕ:

    Соопштението на ВМРО-ДПМНЕ во кое се кажува дека генералниот секретар на СДСМ, Миле Зечевиќ  на Водици (19.01.2022) бил позитивен на ковид, следува откако претходно СДСМ обвини дека „градоначалникот на Охрид, Кирил Пецаков додека чекал резултати од тестот за коронавирусот наместо да се изолира, свесно присуствувал на јавен настан, на одбележувањето на православниот празник“

    Веднаш после ова соопштение на СДСМ, ВМРО ДПМНЕ излезе со тврдење дека Зечевиќ „позитивен на корона се шетал низ Охрид на ден Водици“

    Од извештаи на локалните охридски медиуми, евидентно е дека генералниот секретар на СДСМ, Зечевиќ, на 19 јануари присуствувал на церемонијата на фрлање на светиот крст во Охридското Езеро по повод големиот христијански празник Богојавление Водици.

    Меѓутоа, дали навистина Зечевиќ бил позитивен на 19 јануари 2022 година, дали се тестирал и дали можел да знае дека е позитивен на ковид-19 и дека треба да остане во изолација?

    За време на посетата во Охрид, не бев позитивен и немав никакви симптоми – изјави Зечевиќ за Фокус, додавајќи дека се тестирал дури после посетата на Охрид, а резултатот на тестот бил позитивен.

    И партијата СДСМ со официјално соопштение реагираше дека Зечевиќ не бил тестиран на 19 јануари, односно дента кога бил во Охрид.

    Не е точно дека генералниот секретар Миле Зечевиќ бил позитивен на празникот Водици, ниту пак, дека со симтоми учествувал на настаните тој ден. Тоа е целосна невистина од кујната на очајната ВМРО-ДПМНЕ, објави СДСМ во соопштение на својата веб-страница.

    И директорката на Државниот здравствен и санитарен инспекторат, доктор Ирина Сотирова Бухова, за „Вистиномер“ вели дека не е точно дека на 19 јануари Зечевиќ фигурирал во листата на тестирани граѓани во земјава.

    Зечевиќ не е во системот на тестирани лица на 19 јануари. Законот е јасен и важи за сите. Самоизолацијата следува за сите од моментот на тестирањето, ни изјави доктор Сотирова Бухова.

    Законот за заштита на населението од заразни болести со измени кои стапија на сила на крајот на октомври 2020 година, предвидува лицето коешто се тестирало на ковид-19 да биде во самоизолација од моментот на закажувањето на тестот до добивањето на резултатот (а ако резултатот е позитивен, тогаш Државниот здравствен и санитарен инспекторат издава решение за изолација). На 19 јануари Зечевиќ немал симптоми и не бил тестиран, согласно тоа не морал да биде во самоизолација. Неговиот тест е направен после Водици на 20 јануари и е позитивен. Не може да се утврди кога точно настапила инфекцијата, но со сигурност може да се каже дека формално правно, Зечевиќ на 19 јануари не бил во списокот на позитивни пациенти тестирани на ковид-19.

    Поради ова, заклучуваме дека изјавата на ВМРО ДПМНЕ дека Зечевиќ на Водици – 19 јануари бил позитивен на ковид-19, е невистина. Дали е некој позитивен на коронавирусот се покажува со ПЦР тест, што Зечевиќ го направил на 20 јануари.

     

    ИЗВОРИ:

     

     

    Оцени: Мирослава Бурнс

     

     


    Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

     

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

    2008 - 2022 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk