Голем пожар во Киселица, кривопаланечко

05.08.2021 21:25 | Жаклина Цветковска

Попладнево избувна голем пожар во атарот на село Киселица, кривопаланечко, кој постојано се проширува и засега не може да се локализира.

Голем пожар во Киселица, кривопаланечко

Во пожарот изгореле повеќе плевни, шума и сува трева, а во последен момент биле спасени куќите.

Но пожарот продолжува во широк појас, а како што информираат од ТППЕ Крива Паланка има многу чад и пламен и засега не се знае дали има други опожарени куќи. Екипите на Противпожарната единица се на терен, заедно со полицијата и Шумското стопанство од Крива Паланка и се обидуваат да стават контрола врз огнената стихија.

Поради силниот ветер гаснењето на пожарот е отежнат, а засега нема точна проценка колкава површина е зафатена.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk