Зачленете се во нашиот клуб на читатели и најновите текстови ќе ги добивате на вашата мејл адреса
Во Europe House Крива Паланка младите имаа можност да се запознаат со социјалното претприемништво и неговата мисија за поддршка на ранливите и маргинализирани групи преку проекција на документарен филм и дебата на оваа тема.
Документарниот филм „Посеана надеж“, изработен со поддршка на Европската Унија, зборува за 15 успешни социјални претпријатија, кои со своите инспиративни приказни нè уверуваат дека и кај нас е можен овој начин на организирање, кој се темели на солидарност и желба да се овозможи инклузија на маргинализираните групи во општеството.
„Денеска се инспириравте од иновативните приказни на социјалните претпријатија прикажани во филмот. Утре можете и самите да отворите едно вакво претпријатие или пак да поддржите некое чија мисија ќе биде сродна на она во што верувате. Младите се тие кои во иднина ќе ги купуваат производите и услугите на социјалните претпријатија, препознавајќи ја нивната додадена вредност - постигнување на подобро општество преку вклучување на ранливите групи во него“, посочи тим лидерката на проектот Барбара Садовска.
По проекцијата на филмот младите дискутираа за начините како да се вклучат во социјалното претприемништво и да бидат активни во остварување на нивната цел.
Зачленете се во нашиот клуб на читатели и најновите текстови ќе ги добивате на вашата мејл адреса
