Зачленете се во нашиот клуб на читатели и најновите текстови ќе ги добивате на вашата мејл адреса
Вкупно 10 ученици со попреченост, кои се вклучени во редовната настава во основните училишта „Јоаким Крчовски“ и „Илинден“ од Крива Паланка, ќе добиваат стипендија за учебната 2021/2022 година.
Стипендиите се обезбедени во рамки на проектот „Биди ИН, биди ИНклузивен, биди ИНклудиран“, што го реализира Фондацијата за образовни и културни иницијативи „Чекор по чекор“, во партнерство со здруженијата „Инклузива“ и „Хендимак“, а во соработка со Министерството за образование и наука и Бирото за развој на образованието.
Имено, продолжени се 3 договори за стипендирање на основци со попреченост, кои оствариле право на стипендирање во минатата учебна 2020/21, инаку првооделенци и ученици од второ одделение од двете основни училишта во Крива Паланка. Истовремено, доделени се и 7 нови стипендии за ученици со попреченост од прво одделение, кои се вклучени во редовниот процес на образованието.
Договорите ги потпишаа нивните родители, а учениците ќе добиваат по 50 евра месечно, во текот на десет месеци во учебната година. Продолжувањето на поддршката ќе зависи од редовноста на ученикот во училиштето и успешниот премин во следното одделение.
Зачленете се во нашиот клуб на читатели и најновите текстови ќе ги добивате на вашата мејл адреса
