Ранливите групи во Крива Паланка се поддржуваат преку општинско корисна работа

02.09.2021 14:30 | Сузана Николиќ

Општинско корисната работа во Крива Паланка и годинава е насочена кон помош и поддршка на ранливите категории лица, кои ќе добиваат повеќе услуги од стручни лица, а градоначалникот Борјанчо Мицевски, денеска ги додели договорите на ангажираните во новиот циклус активности од оваа програма.

Ранливите групи во Крива Паланка се поддржуваат преку општинско корисна работа

Годинава, според програмата, вклучени се двајца воспитувачи, еден негувател и еден музички аниматор во ОЈУДГ „Детелинка“ Крива Паланка, како и тројца фасилитатори односно истражувачи на терен на неевидентирани социјално загрозени лица и жени жртви на семејно насилство.

Програмата за општинско корисна работа е поддржана од УНДП, МТСП, АВРМ и Општина Крива Палaнка, која обезбедува 20% од потребните средства за реализација на активностите што треба да бидат завршени до крајот на месец мај 2022 година.

Во претходните проектни циклуси активностите беа насочени на нега и грижа за стари лица во домашни услови и ангажирање на воспитно- образовни асистенти во основните и во средното училиште. Овие активности, насочени кон ранливите категории на граѓаните, Општина Крива Паланка ги продолжува во рамки и на други програми.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk