×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Fiore

    Изградбата на експресниот пат Ранковце-Крива Паланка и Коридорот 8 ќе донесе нови инвеститори и работни места, кажа Ковачевски

    28.04.2023 14:07 | Жаклина Цветковска

     Тука сме да ja поздравиме динамиката на изведбата на градежните работи на оваа делница, која е дел од Коридорот 8, чија доизградба заедно со Коридорот 10-д, е најголемиот инфраструктурен проект на нашата држава досега, кажа премиерот Димитар Ковачевски, заедно со министерот Благој Бочварски и директорот Ејуп Рустеми, денеска, беа на увид на градежните активности на експресниот пат Ранковце-Крива Паланка.

    Изградбата на експресниот пат Ранковце-Крива Паланка и Коридорот 8 ќе донесе нови инвеститори и работни места, кажа Ковачевски

    Вкупната вредност на изведбата е 62,5 милиони евра, средства обезбедени од Светска банка.

    „Со нашето доаѓање овде, на увид во изведбата и реализацијата на патниот правец Крива Паланка-Длабочица-Страцин како дел од меѓународниот Коридор 8, сакаме да испратиме порака дека обезбедувањето на модерни патишта, градени според европски стандарди е нашиот приоритет број еден во остварувањето на нашата стратешка цел, а тоа е побрзо патно поврзување на државата со регионот и светот и нејзино претворање во современа инфраструктурна, инвеститорска и економска крстосница“, истакна премиерот Ковачевски, кој очекува реализацијата на оваа делница да се заврши до средината на следната година.

    Тој нагласи дека изведбата на делниците кои се дел од Коридорот 8 ќе донесат далекусежни придобивки за нашите граѓани бидејќи ќе ја поврзат нашата држава со пристаништето Варна на исток и пристаништето во Драч на запад. Тоа ќе помогнеме на нашата држава во обезбедувањето на нови работни места и отворање на нови компании, кои ќе бидат конкурентни на светските пазари. 

    „Започна изградбата и на железничката пруга од Коридорот 8, инвестиција вредна преку 600 милиони евра. За прв пат ја поврзуваме нашата држава со запад и исток, како надополнување на патната инфраструктура на потегот север-југ. Вложуваме огромни инвестиции и ги потврдуваме нашите добрососедски политики кои се врвот на нашата агенда на патот кон евроинтеграциите. Вложуваме во сигурни, модерни и безбедни патишта затоа што се грижиме за нашите граѓани, нашата држава и нејзиното позиционирање на светската  транспортна рута“ рече премиерот Ковачевски.

    На настанот присуствуваа и министерот за земјоделство, шумарство и водостопанство, Љупчо Николовски, како и градоначалникот на Крива Паланка, Сашко Митовски.