Зачленете се во нашиот клуб на читатели и најновите текстови ќе ги добивате на вашата мејл адреса
Ѕвездата на Реал Мадрид, Кристијано Роналдо тврди дека сигурно нема да го напушти кралскиот клуб, и оваа лето да се пресели во Манчестер Сити кои се спремни да му понудат „кули и градови“.
Во медиумите пред два дена се појави приказна дека португалецот е на листата на желби на „граѓаните“ кои се спремни да му дадат плата од 400000 фунти неделно, дрес со број 7 и капитенска лента.
Сепак Роналдо се реши да ја демантира таа вест.
Не, нема да го напуштам Реал. Запишете го тоа, ви го давам мојот збор. Се чувствувам добро и сакам да го одработам договорот со Реал, а доколку ми понудат нов, ќе го продолжам - изјави Роналдо.
Тој не ги следи приказните од транфер периодот, и не е информиран дека Реал сака да ги доведе Агуеро и Наимар. Роналдо смета дека треба да се задржи Емануел Адебајор.
Не сум знаел за тоа, но и двајцата се одлични. Не можам да се замислам себе покрај Агуеро, но тој е одличен играч. Наимар го гледав неколку пати и ме воодушеви. Сепак кога би бил на местото на претседателот на Реал, би го задржил Адебајор - изјави Роналдо.
Посебна незаинтересираност покажа кон трансфер активностите на Барселона.
Навистина не ме интересира, можат да го доведат Јохан Кројф и Диего Марадона ако сакаат. Со сета почит кон нив, но воопшто не ме интересира кого ќе доведат.
Зачленете се во нашиот клуб на читатели и најновите текстови ќе ги добивате на вашата мејл адреса
