МКК Куманово го победи Вардар, Тадиќ со трипл-дабл

Екипата на МКК Куманово успеа да ја заврши регуларната сезона со победа против Вардар, совладувајќи го тимот од Скопје со резултат 57:74.

Иако беа на гости, кумановци ја оправдаа улогата на фаворит, а најголемата ѕвезда на натпреварот беше Тадија Тадиќ кој направи неверојатен „трипл-дабл“ – 12 поени, 10 скокови и 10 асистенции!

Првиот дел од натпреварот беше изедначен, а разликата меѓу двата тима беше само 5 поени во корист на Куманово. Но, како што започна третата четвртина, кумановците го подигнаа нивото на игра и со 21 постигнат поен наспроти само 12 на Вардар, започнаа да ја градат својата предност. Во последните 10 минути од мечот, водството на Куманово беше сè поголемо, а на крајот стигнаа до убедлива победа со 17 поени предност.

Најпрецизен во редовите на Куманово беше Александар Радукиќ кој постигна 20 поени, додека Урош Луковиќ 19. Сепак, сите погледи беа насочени кон Тадиќ, кој со својата игра ја однесе победата и остави силен впечаток на сите присутни.

Со оваа победа, МКК Куманово ја заврши регуларната сезона со одлични 14 победи и 8 порази. Кошаркарите на Куманово собраа вкупно 36 поени и ќе се подготвуваат за плеј-оф натпреварите, кои ќе го одредат новиот шампион на државното првенство.

Останатите тимови во првата лига викендов ги играат своите натпревари  кои ќе ги дефинираат конечните позиции на табелата.