500x100-1
25. 11. 2019 12:01

Ракометарките на Куманово со одлични резултати во Турција

Ракометарките на Куманово со одлични резултати во Турција

Македонската женска ракометна репрезентација, во која учествуваа и ракометарки од ЖРК Куманово, во Турција одиграа неколку контролни натпревари како тест проверка на формата на ракометарките.

Во првиот натпревар против Италија, завршија со резултат 29:29, каде нашите ракометарки постигнаа солиден резултат:  Кипријановска и Гичевска постигнаа по 2 гола, а Јанкуловска запиша 1 гол.

Во вториот натпревар, против Турција Б, македонската репрезентација заврши со победа со резултат 37:19, каде ракометарките на Куманово се покажаа во одлично светло.

Постигнати голови: Боризовска постигна 7, Кипријановска 6, Јанкуловска 2, Марковиќ 1.

Во третиот пријателски натпревар, нашата репрезентација го доживеа првиот пораз од А тимот на Турција со резултат 42-33. Од Куманово најмногу голови постигна Јована Кипрјановска-6 голови.

Денес, македонската репрезентација се среќава со Косово, а по  натпреварот се враќа дома.