Зачленете се во нашиот клуб на читатели и најновите текстови ќе ги добивате на вашата мејл адреса
Машката екипа на атлетскиот клуб Скок од Куманово го освои второто место во финалето на Сениорскиот куп на Македонија што викендов се одржа во Охрид, каде атлетските клубови се натпреваруваа за најдобар клуб во државата.
Воедно ова беше и изборен натпревар за сениорската репрезентација на Македонија што ќе учествува на европскиот куп во Исланд на 18-19 јуни , притоа 3 наши атлетичари со своите победи се изборија за статусот на репрезентативци. Тоа се:Огнен Павловски - 400м пречки, Марјан Нојковски - фрлање ѓуле и Гоце Димковски - фрлање диск.Тие на повеќето натпревари пред тоа остваруваа одлични резултати, а на овој натпревар за победите се изборија постигнувајќи и лични рекорди - вели тренерот Филип Колевски.
Во Исланд како дел од националниот атлетски тим ќе патува и тренерот Колевски, кој е вклучен од селекторот и од Атлетската федерација како тренер во репрезентацијата веќе 3 години по ред.
Ова е досега најдобар пласман постигнат од некој клуб во градот.