Алексеј Стојановски го освои Отвореното првенство во тенис до 18 години

Во финалето, Стојановски по голема борба го совлада клупскиот колега Марин Стефановски со 6:4, 6:7(4), 10:8 во супертајбрејкот.

„Финалниот меч донесе неизвесна борба и одличен тенис, а двајцата млади тенисери прикажаа високо ниво на игра, техничка зрелост и спортски дух. По неколку часа игра во висок ритам, Стојановски беше посконцентриран во решавачките моменти и ја заслужи победата. Стефановски, пак, со својата борбеност до самиот крај потврди дека е меѓу младите тениски таленти со голем потенцијал“, велат од клубот.

Отвореното првенство во тенис на Македонија за јуниори и јуниорки до 18 години се одржа на 29 и 30 август, а турнирот понуди атрактивни и неизвесни натпревари и уште еднаш го потврди потенцијалот на македонскиот јуниорски тенис.