Зачленете се во нашиот клуб на читатели и најновите текстови ќе ги добивате на вашата мејл адреса
Територијална противпожарна единица Куманово ангажираше 20 сезонски пожарникари кои до 10 октомври ќе бидат дел од екипите кои интервенираат при пожари во Куманово, Липково и Старо Нагоричане.
Пожарната единица сега брои 46 вработени и располага со 8 противпожарни и едно теренско возило, кои се во исправна состојба и подготвени за интервенција.
- Тие ќе бидат ангажирани до 10 октомври, меѓутоа во зависност од временските услови може да се продолжи нивниот договор. Се зависи од состојбите на теренот и можностите на локалната самоуправа, бидејќи сите сезонски пожарникари се ангажирани преку општина Куманово. Во смена имаме 9 до 10 пожарникари што е задоволително. Се надеваме дека нема да имаме многу работа, дека времето ќе ни оди од рака - изјави Деан Илиевски, командир на Територијална противпожарна единица Куманово.
Засега бројот на пожари не е алармантен и дневно пожарна има една до две интервенции.
Зачленете се во нашиот клуб на читатели и најновите текстови ќе ги добивате на вашата мејл адреса
