“Анимо“ Куманово ќе ги штити животните

 Организацијата деновиве ќе биде и официјално регистрирана, а нејзините членови апелираат до граѓаните да не се изживуваат на животните на улица, да не ги фрлаат милениците додека се сеуште мали, а доколку забележат повредено или болно животно на улица да му помогнат или да се јават на ветеринар.

Доколку најдат некое мало животно децата да не се сурови со нив и да ги малтретираат. Во најголем број случаи имаме такви поплаки затоа што некои деца на улица палеле крзно на куче или влечеле маче. Тие се мали, беспомошни животни и неможат да се спротивстават. Ние секогаш сме во пресрет на оние што ќе не побараат, ќе сакаат да вдомат животни кои други неможат да ги чуваат. Или ако некој сака да ги фрли милениците, ние привремено ги згрижуваме и потоа ги подаруваме  - велат од “Анимо“.

 Младите волонтери порачуваат до сите граѓани кои сакаат да им дадат подршка и да им се приклучат во борбата за правата на животните да ги контактираат на https://www.facebook.com/gisakamzivotnite.