Асфалтирана улицата “Есперанто“

- Проектот е завршен пред десетина дена. Се направи патна инфраструктура во должина од 450 метри. Имаме дополнување од уште една улица која ќе биде до “Поток Серава“. Таа е во должина од 60 метри, така што околу 5 милиони денари ќе биде инвестицијата, а изведувач е градежна фирма “Бетон“ од Скопје.Ние сме задоволни од квалитетот и продолжуваме со нашата инвестициска програма, ќе ги задоволиме потребите на граѓаните од секој дел на градот. Овдека во минатото не беше многу инвестирано, во оваа година и лани само во овој дел имаме над седум инфраструктурни проекти - изјави Дамјановски.

Шабан Демири, претседател на месната заедница Тоде Мендол рече дека на улица “Есперанто“ живеат 60 домаќинства, а месната заедница има 16.000 жители.

- Ова е еден голем придонес за граѓаните на овој дел и еден проект плус за Општина Куманово. Многу сме благодарни и посакуваме успех за понатаму. Во последниве десет години немаше некои инфраструктурни проекти. Ова е почеток на инвестирање - кажа Демири.

Жителите раскажуваат дека претходно за да поминат по улицата морале да поминуваат низ дупки и кал.