Атлетски митинг за 11 Октомври се одржа во Куманово

Спортисти од повеќе градови се натпреваруваа во повеќе дисциплини.  Овој атлетски митинг се одржува трета година по ред и им дава шанса на младите атлетичари да ги покажат своите способности.

Атлетскиот митинг има две различни програми. Има школска програма за основни училишта. Таа програма вклучува натпревари за 6 и 7 одделение и 8 и 9 одделение исто во машка и женска конкуренција. Тоа е таа школска програма за забава, популаризација и имаме учесници  од училишта од Куманово, Скопје и Прилеп. Главната атлетска програма вклучува натпреварувачи од атлетските клубови и тука се дисциплините 60 м и 600 м во машка и женска конкуренција, фрлање ѓуле во женска, скок во височина во машка, диск во женска, 300 м трчање машка конкуренција и скок од место во машка конкуренција“ - изјави Филип Колевски, претседател на атлетски клуб “Куманово“.

За рекреативците има рекреативна трка, како и фамилијарна штафета 3 пати по 200м. Оваа семејна штафета е воведена од лани.

Дејан Анѓеловски, генерален секретар во Атлетската федерација на Македонија рече дека во Куманово атлетиката доживува експанзија.

Последниве неколку години навистина Куманово е во една експанзија. Секој град треба да добие една ваква патека, да се работи со стручните кадри, да се селектираат по школи и со поддршка на државата и локалните самоуправи навистина мислам дека ќе направиме еден исчекор напред“ - кажа  Ангеловски.

И покрај лошото време, младите беа упорни во напорите да остварат што подобар резултат.

Ќе трчам на 600 м. Доста се подготвував за овој натпревар бидејќи ми е последен натпревар и многу важен. Со натпреварите доаѓа и конкуренцијата. Две години се занимавам со атлетика. Претходно тренирав кошарка, но овој спорт повеќе ми се допаѓа“ - вели Иван Тимчевски, член на атлетски клуб „Куманово“.

Овој митинг е само една  од активностите за одбележување на 11 Октомври.