Библиотеката ќе го одбележи Месецот на книгата

По тој повод во септември беше распишан награден литературен и ликовен конкурс на тема “Книгата што сакам да ја имам за лектира“. На оваа тема ќе творат основците и средношколците од училиштата во градот.

Рокот за пристигнување на творбите е 15 октомври. Жирито ќе ги разгледа творбите и ќе донесе одлука кои ученици да бидат наградени со книги. Ќе има една прва, две втори и три трети награди во конкуренција на основци и средношколци. На 15 октомври ќе се оддржи општинскиот натпревар за млади библиотекари во просториите на библиотеката, а на 19 месецов ќе биде републичкиот натпревар за млади библиотекари во Скопје. На 30 октомври ќе биде промовирана книга од нашиот познат писател Христо Петрески - изјави Нада Ивановска, директор на библиотеката “Тане Георгиевски“.

Завршната свеченост од празнувањето на Месецот на книгата ќе се оддржи во ноември во едно од училиштата во градот каде наградените ликовни и книжевни творци ќе ги добијат наградите од конкурост кој е во тек. Учениците, наставниците, библиотекарите и писателите секоја година Месецот на книгата го одбележуваат организирајќи најразлични културни настани.