Борис Новковиќ ќе пее за празникот на градот

Покрај него вечерта ќе настапат Нино Величковски и тамбураши и други гости од домашната естрада, кои се изненадување. 

Во очи на празникот ќе се одржи мега концерт, голем концерт на кој покрај наши естрадни уметници ќе настапи и Борис Новковиќ. Како и секоја година и оваа пригодно ќе биде одбележан Денот на ослободување на Куманово, со повеќе програми и содржини кои започнаа од 30 октомври и ќе траат до 11 ноември, кога ќе се одржи свечена седница и кога ќе бидат врачени Ноемвриските награди, ќе се положи цвеќе во 11 часот на Спомен костурница - изјави Жика Крстевски, раководител на секторот за култура и спорт во општина Куманово. 

Повеќе спортски настани се одржаа деновиве во знак на празникот, а  утре во салата на Гимназијата “Гоце Делчев“ во 10 часот, ќе се одржи турнир во пинк - понг, додека во недела во истиот термин почнува турнирот во одбојка во салата на “Перо Наков“. 

На одбележувањето на празникот на градот ќе има гости од збратимените градови и од амбасадите.