Зачленете се во нашиот клуб на читатели и најновите текстови ќе ги добивате на вашата мејл адреса
Еден дел од лекарите специјалисти од Општа болница Куманово, кои изминатиот период штрајкуваат ќе добијат само 80 проценти од платата, додека другите 120 проценти. Оваа непотврдени информации деновиве била пласирана во лекарските кругови, но не се знае по кој критериум ќе се одредува месечната заработка.
- Тоа се неофицијални информации, а никој не не известил дека има нов начин на пресметување на плата. Тоа е целта да не разединат. Ние имавме добар одзив од граѓанството на протестот во сабота. Сакаат да не поколебаат, но односот пациент - лекар никој не може да ни го земе, и тоа не се плаќа со пари - вели Билјана Анастасовска, претседател на штрајкувачки одбор.
Лекарите штрајкуваат од 14 минатиот месец. Платата обично им се исплаќала до 10 во месецот, но деновиве исплатата малку доцни за што лекарите не се загрижени, но велат дека се прават напори да дојде до разединување на фелата.
Зачленете се во нашиот клуб на читатели и најновите текстови ќе ги добивате на вашата мејл адреса
