Четириесет дозволи за соларни и фотоволтаични централи издала Општина Куманово, шест се градат

Во близина на индустриската зона Речица предвидена е една, вон опфат на градежно земјиште во атарот на Горно Којнаре уште една, а останатите се планирани во селото Биљановце и на Пчињски пат.

„Дозволите се издадени по урбанизација на земјоделско земјиште. Но, на територија на Општина Куманово нема пренамена на квалитетно земјоделско земјиште, сите дозволи се за земјиште од 5-та класа, и неколку поединечни случаи на земјиште од 4-та класа“, истакна раководителката на секторот за урбанизам, Емилија Сларидис- Јаневска.

Со изградба на фотоволтаични централи и други енргетски капацитети нема загрозување на производство на земјоделски култури, затоа што тие ќе бида инсталирани на почва рангирани од 5-та до осма бонитетна класа. Експертите сметаат дека ова е многу важно затоа што во периодите кога цените на храната енормно пораснаа земјоделските површини ќе се користат за производство на прехрамбени продукти.

Во последните две години актуелно е преориентирањето кон обновливи извори на енергија, по енергетската криза која драстично ја поскапи и електричната енергија, но и останатите енергенси. Изградба на соларни, фотоволтаични централи  или ветроелектрани го намалува карбонскиот отисок на земјава и е обид за мiнимизирање на зависноста од фосилни горива.