Четириесетина компании се презентираа на саемот за вработување

Саемот го организира Агенцијата за вработување на Македонија за да се поврзат фирмите кои бараат работници и невработените кои се во потрага по работа. На саемот невработените можат да донесат своја кратка биографија и да ја остават на штандовите. Ова е втор по ред саем за вработување во Куманово, и седми од почетокот на годинава.

Се бараат луѓето од техничките науки, луѓето кои се од занаетската сфера, кои се добро обучени да работат со машини и постројки. Јас се надевам дека овие наши придонеси на Влада, АВРМ ќе придонесат младите да одберат соодветно образование со кое ќе бидат вработени, а не невработени. Јас се надевам дека денешниот ден ќе биде успешен како и ланскиот саем кога беа вработени 135 лица - изјави Влатко Поповски, директор на АВРМ.

Директорот на Центарот за вработување Куманово, Милорад Тренчевски рече дека има компании од дрвна, прехранбена индустрија, трговија.

Ова е извоинредна можност да направиме контакт меѓу работодавачите и невработеите. Работодавачите ги собираат сивиата, од која категорија им одговараат - рече Тренчевски.

Од „Искра“ од Куманово кажаа дека имаат потреба од бравари и заварувачи со искуство.

Многу е тешко да се најдат заварувачи и се надеваме дека на саемот ќе најдеме нешто. Моментално има заинтересирани, па ќе видиме како ќе се одвива ситуацијата - кажа Елена Ѓорѓевиќ од „Искра“.

Неработената Маријана Милчевиќ по професија трговец, веќе 6 години е без работа и дошла на саемот за да види какви можности за работа се нудат.