Општината го избра ЦИД пет години да раководи со Младинскиот центар во Куманово, за активностите ќе добие 50.000 евра

„Само ЦИД, односно Мулти култи ги исполнуваат условите и законските прописи. Веќе имаат искуство со младински активизам и организирање на содржини привлечни за младите. Дополнително само координаторите кои поседуваат лиценца и се регистрирани во Агенцијата за млади и спорт на Македонија можат да аплицираат и да работат со тинејџери и млади лица“, изјави Мартин Крстиќ, службеник за млади во Општина Куманово.  

За спроведување на активностите согласно програмата, Општина Куманово има обврска да му исплати 3 милиони денари за 5 години или 600 илјади денари годишно. Младинскиот центар се обврзува да организира низа настани кои вклучуваат млади од сите етнички и верски групи.

„Ние веќе организиравме тематски работилници поврзани со социјалниот и општествениот живот, посебно со темите кои ги интересираат и директно ги засегаат младите. Тука се и бројни еко акции, отворени денови исполнети со друштвени игри на напреварувања во пинг понг, музички и филмски вечери на кои посетителите понекогаш само се релаксираат, понекогаш дискутираат за уметноста или актуелните теми кое некое дело го отовора и уште многу други активности“, изјави Ивана Стојчевска, лиценциран координатор на „Мулти Култи“ Куманово.

За две години ова е вторпат ЦИД да потпише договор за соработка со Општината. Минатата година бил склучен договор, кој требало да трае години, меѓутоа бил поништен поради технички проблеми при исплатата.  Распишан е нов повик за наредните 5 години и ЦИД пак е избран.