„Чистота и зеленило“ ги кастри дрвјата низ градот

Искастрени се дрвјата на улиците „11 Октомври“ и дел од „Народна револуција“ на барање на граѓаните.

Се кастрат дрвјата кои пречат на граѓаните, на нашите камиони или на други камиони за поминување, на жици и кабли. На барање на граѓаните се искастрени гранки на двете улици „11 Октомври“ и дел од „Народна револуција“. Вообичаено на есен правиме ваква акција за кастрење на дрвјата во  градот - вели Благица Јовановска од “Чистота и зеленило“.

Јовановска додава дека во наредниот период ќе засадат нови дрвца на потегот од населба Карпош до Спомен костурница, кај Спортската сала и во Стариот градски парк.