Цивил ги охрабри кумановци слободно да гласаат

Беше емитуван видео материјал кој открива факти за невработеноста и сиромаштијата во земјава, кои не се експонирани многу во јавноста. Од Цивил рекоа дека со работа граѓаните се уценувани да гласаат за партијата на власт и дека манипулациите со гласачи се прават пред да дојде денот за избори.

Ако вие работите треба да ви се каже благодарам и да бидете пристојно платени за својата работа, а не да бидете благодарни на некоја партија затоа што работите. Едноставно тоа мора да престане еднаш засекогаш. Наша порака исто така е дека конечно законот, Уставот и сите демократски правила и стандарди мора да заживеат кога се подготвуваат изборите. Изборите не смеат да бидат манипулација и мора да бидат празник на демократијата. Не кажуваме ништо ново, само гласно кажуваме дека треба да има слободни избори - изјави Џабир Дерала од Цивил.

Дерала кажа дека граѓаните можат кај нив да ги пријават неправилностите поврзани со изборите, а ќе формираат и мрежа на неформални набљудувачи. Продолжуваат активностите низ градовите во Македонија, за да граѓаните се запознаат со своите гласачки права и да не дозволат нивно кршење.