Дамјановски најави отварање на индустриска зона во Речица

Сугерираме отварање на економска зона на 2-3 км на потегот кон Речица, каде ќе има 60 индустриски, стопански капацитети и можност за вработување. Локалната самоуправа ќе влезе во решавање на комунални проблеми. По политичкиот договор, ние овој краток период ќе го искористиме за она што беше сработено ова лето и онаа база “Отвори врата за иднината“. Врз основа на сите тие сондажи направени во изминатиот период, нашата програма ги опфати сите актуелни, комунални, социјални и други проблеми на населението во град Куманово. На секој месен штаб ќе имаме посебни програми со кои се опфатени желбите на граѓаните. Тоа ќе го направиме во наредните десет дена - вели Дамјановски.

Градоначалникот вети дека во оваа урбана заедница ќе бидат решени комуналните проблеми, бидејќи населбата Ајдучка Чешма е витално место во кое општината и досега вложувала. Промоцијата на програмата на СДСМ за изборите ќе биде во петок и тогаш граѓаните детално ќе знаат што се се планира за повеќе сектори, спорт, образование, култура.