Дамјановски: Неизводлива беше изградба на кружен тек на раскрсницата

“Ова е позната работа. Ако не биде крстосница, утре очекувам да биде затварање на вентили, блокада на депонии и се она што го чини популизмот на ВМРО кое владее 10 години. Мислам дека се прочитани од народот, од граѓаните. На граѓаните веќе не им е важно дали ќе биде кружек тек или ќе биде поставено вака како што е. Гледаме дека и на кружни текови се случуваат сообраќајни несреќи. Сугестијата ќе ја прифатиме како таква, но целта е да прават пресија на локалната самоуправа.“-одговори Дамјановски.

Тој објасни дека и локалната самоуправа првично планирала да направи кружен тек на раскрсницата на Градскиот кеј, но поради приодите, конфигурација на терен, како и близината на двата булевара, тоа не било изводливо.

Дамјановски очекува пожестоки напади од ВМРО-ДПМНЕ, бидејќи како што вели бродот на премиерот Никола Груевски и на неговата тајфа тоне.