Дамјановски: Проблемот во Пчиња е политички

До крајот на годината ќе биде готова студијата за изградба на депонијата, по што ќе се бара приватен партнер, додека проект за водовод треба да се измени и доработи.

Овде политика е во прашање, бидејќи до неодамна немавме ниту проект за водоснабдување на Пчиња. Жителите пред еден месец доставија таков проект со кој ќе аплицираме до Телото за менаџирање на кредитот на Европска банка за водоснабдување и канализациони системи. Дали ќе се земе во приоритетите и кога ќе се реализира не зависи од нас, туку од телото на банката и од Министерството за транспорт и врски. Ние на листат на чекање веќе имаме поднесено 6 проекти- вели Дамјановски.

И за изградба на нова современа депонија, според градоначалникот се бара стратешки партнер.

Јас не можам да го решам во еден ден, тоа е систематски проблем. Во Струмица процесот за избор на партнер трае трета година. Само издавањето на дозволата трае 1,5 година, а изработката на студија најмалку 8 месеци. Тоа што сега го имаме не е санитарна депонија, тоа е ѓубриште, ама поуредено и покултивирано од неа е само Дрисла во Скопје. Колку толку јавното претпријатие се труди и го оддржува за да нема негативно влијание на околината. Но притисокот што се врши е типичен за ВМРО - ДПМНЕ- изјави Дамјановски.