Дамјановски: Се намалува интересот за прослава на плоштад

Тој додава дека граѓаните не излегуваат на плоштад во доволен број затоа што е студено времето или пак имаат споени денови за празници и обично патуваат некаде. Затоа целодневна програма на 30 декември ќе има во градот со Дедо Мраз, ученици, балетски студиа и слично.

Во преговори сме и можеби Кајмакоски ќе биде најголемата ѕвезда од тие шоуа. Ова не е како што граѓаните го перцепираат дали треба да се заштеди. Тоа не се големи пари да го еродираат буџетот. Проблемот е во тоа што еуфоријата која почна, Куманово беше прво во сè, па и во тие мега концерти, прослави, имаше обвинувања дека не знам какви ѕвезди донесуваме, а тие сега донесуваат пет пати поскапи. Меѓутоа имам чувство дека интересот за прослава на плоштадот се намалува и тоа е од разбирливи причини, прво многу ниски температури и втора работа е многу пати луѓето ги врзуваат празниците, одат на викенди, дружби, зимувања - изјави Дамјановски.

Тој вели дека градот ќе биде прекрасно украсен до празникот Свети Јован, а украсите ќе бидат изнајмени.