Децата на плоштад ја слават Новата година

Пред присутните се претставија учениците од „Толи Зордумис“, лицата со посебни потреби, балетски стуида од градот и други, а децата ги забавуваше и Дедо Мраз. На кумановци Новата година ја честитаа градоначалникот Зоран Дамјановски и постојаниот претставиник на УНДП во Македонија, Лујза Винтон, која е прогласена годинава за почесен граѓанин на општина Куманово.

УНДП има чест да биде дел од оваа забава денеска во вашиот град и јас оваа година бев избрана за почесен граѓанин на град Куманово. Куманово имаше тешка година и јас ја користам оваа прилика да се заблагодарам за вашата улога за справување со овие тешки моменти. Да гледаме напред, да имаме нова соработка и следната година и среќна Нова година, среќни празници, посебно за децата - рече Винтон.

Дамјановски кажа дека 2015 беше најтешка година од независноста на Македонија, поради безбедносната криза, политичката и бегалската криза и економски проблеми.

Сè што се случуваше во 2015 година нека остане зад нас, а во 2016 ви посакувам многу здравје, среќа, економски просперитет. Да се врати во Македонија чувство на слобода, демократија, Македонија да биде место пристојно за живеење, да градиме иднина за овие деца - рече Дамјановски.

Програмата продолжува цел ден. Во 14 часот ќе настапи Тамбурашки оркестар „Наши тамбураши“, во 15 часот групата „Челик бенд“, во 16 часот „Бисери“, а од естрадните уметници ќе пеат Нино Величковски, Маргица Антевска, Тања Јовановска и Боби Амадеус. Од забавни и рок групи во 17 часот ќе пее Мартинијан Кириловски и HQ bend, во 18 часот Akrepat bend, vo 19 часот Concrete jungle, во 20 часаот бенд Mandara и 21 Fusnota и Емилија Дичковска.