Децата од “Христијан Карпош“ донираа прибор за соучениците

Во акцијата “Од другарче за другарче“, комплети со училишен прибор добија околу 70 деца.

“Акцијата ја направивме интерно така што децата донираа за учениците кои се посиромашни. Намерно ова го правиме на почетокот на учебната година за да учениците добијат прибор кој ќе им треба за понатаму. Децата добија по неколку тетратки, моливи, пенкала, шестари, линијари, буквално се што им е потребно“ - изјави Лидија Костиќ, директорка на “Христијан Карпош“.

Во акцијата учествуваа учениците и наставниците вработени во училиштето.