Европска недела на движење во градинката „Буба Мара“

Федерацијата на рекреативен спорт организира активности во 20 општини, при што беше опфатено и Куманово. Учествуваа деца од три објекти на градинката, а денеска активности се организираа во “Буба Мара“.

“Ваков начин на спортување многу придонесува за еден добар соживот, соработка и толеранција од најмали нозе кај децата. По нашата планирана активност сакавме да започнеме со најголемите. Имаме вклучено вкупно 30 деца, по 10 Македончиња, Албанчиња и Срби, а потоа ќе продолжиме и со сите дечиња од помалите групи. Ова се дечиња од 5 до 6 години, голема група, кои следната година ќе заминат на училиште“- изјави Лидија Јаневска, одговорен воспитувач во градинка “Буба Мара“.

Во објектот “Буба Мара“  се згрижени околу 240 деца и наскоро се планира воведување на факултативни програми. Децата доброволно ќе следат часови по физичко за поздрав живот.

Покровител на Неделата на движење е Агенцијата за млади и спорт и Меѓународната асоцијација за спорт и култура од Копенхаген, а меѓу помагачите се и Европската велосипедска федерација, Факултетот за физичко образование, спорт и здравје, Федерацијата на училишен спорт на Македонија.