Фотографи од „Куманово“ освоија награди во Прилеп
Фотографиите на членовите на Фото клуб „Куманово“ неодамна беа наградени на меѓународната изложба насловена како „Photo Motion 2015”, која се одржа во Прилеп.
Александар Драгишевски зема PSA Ribbon за фотографијата „Подготвување на риба за Велигден“, а Владимир Јовановски зема PSA Ribbon за фотографијата “Низ магла 02”, IAAP Ribbon за „Утринско ловење“” и „Калемегдан” и се закити со PSA сребрен медал за фотографијата „Душко на Велигден”.
Успешната соработка со фото клуб „Куманово“ и фото кино клуб „Прилеп“, резултираше со самостојната изложба, фото проекција и предавања на познатиот фотограф од Кралството Бахраин, Фадел Алмутагхави. Во клупските простории на ФК „Куманово“ беше презентирано дел од творештвото на овој автор, во форма на фото презентација, која беше проследена со негово кратко излагање пред членовите и курсистите - рекоа од клубот.
Клубот годината ќе ја заврши со фото презентација на Мирсад Мујановиќ, автор од Босна и Херцеговина.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
