Зачленете се во нашиот клуб на читатели и најновите текстови ќе ги добивате на вашата мејл адреса
Кривични пријави за вршење на нелегален бизнис во непријавени коцкарници заработија двајца газди, чии објекти беа затворени и пломбирани од УЈП во акцијата „Детонатор„.
Кумановската полиција поднесе кривична пријава против С.А.(55) и А.Ј.(27) двајцата од Куманово, за сторени кривични дела „комар“ и „даночно затајување“.
Во период од октомври 2010 до април 2012 година, С.А. спротивно на Законот за игри на среќа без да поседува лиценца во деловен објект во локалитетот „Гарнизон“ во Куманово организирал игри на среќа, притоа одбегнувајќи да плати месечен надоместок за 13 покер апарати. На овој начин пријавениот се стекнал со противправна имотна корист од околу 166.500 евра.
Вториот А.Ј. во текот на февруари и март годинава, исто така на диво организирал игри на среќа без да поседува лиценца, во објект во село Лопате, без да плати месечен надоместок за 13 покер апарати. На овој начин пријавениот се стекнал со противправна имотна корист од околу 88.500 евра.
Зачленете се во нашиот клуб на читатели и најновите текстови ќе ги добивате на вашата мејл адреса
