Зачленете се во нашиот клуб на читатели и најновите текстови ќе ги добивате на вашата мејл адреса
На плагањето државна матура најдобар успех покажале учениците од Гимназија “Гоце Делчев“ каде сосема мал број паднаа и ќе полагаат во вториот рок.
Во ова училиште оние кои полагале македонски јазик и литература, француски, руски и математика положиле, а 5 деца не положиле англиски јазик и шанса да полагаат имаат на 13 и 15 август.
Во СОУ “Перо Наков“ македонски јазик полагале 141 матурант од кои 139 положиле. Англиски јазик полагале 110 ученици и од нив 90 положиле. Седум ученици полагале руски јазик и од нив само еден не положил. Од четворица ученици само еден ученик положил француски јазик. Од СОУ“Перо Наков“ потенцираат дека за разлика од лани годинава резултатите се подобри.
Во нашето училиште 9 матуранти полагаа македонски јазик и литература и сите положија. Англиски јазик 3 ученици положија и 2 паднаа. Математика полага 3 и сите паднаа, а француски јазик полагаше 1 ученик и тој падна - вели Горан Јовановиќ, директор на “Киро Бурназ“.
Во СОУ “Наце Буѓони“ македонски јазик полагале 146 ученици и сите положиле. Англиски јазик полагале 102 ученика и положиле 81. Француски јазик полагале 16 ученици од кои само 4 положиле. Тројца ученици полагале германски, а петмина руски и меѓу нив нема ученици кои паднале. Основно ниво математика од 21 ученик положиле 15, а 6 паднале. Од албанските ученици 234 полагале албански јазик и само еден паднал, а англиски полагале 190 ученици од кои само 5 паднале.
Училиштата вчера ги добија резултатите, но сеуште немаат ранг листа за да видат како котираат на ниво на Македонија во однос на другите средни школи.
Зачленете се во нашиот клуб на читатели и најновите текстови ќе ги добивате на вашата мејл адреса
