Зачленете се во нашиот клуб на читатели и најновите текстови ќе ги добивате на вашата мејл адреса
Во Гимназијата „Гоце Делчев“ во Куманово се одржа „Отворен ден“ наменет за запознавање на деветоделенците со програмите и насоките кои се изучуваат во училиштето, како и за можностите што се нудат во рамките на вонучилишните активности.
За упис во новата учебна година има место за 300 ученика, распоредени во 10 паралелки, меѓу кои и билингвални и паралелки со настава на јазикот на етничките малинства.
„Имаме билигвалната паралелка на македонски и француски јазик, како и една паралелка со 30 ученици во која се изведува настава на српски јазик која функционира веќе 2 години,а од оваа година се доделува и стипендија за сите ученици. За нас успех е кога ќе видиме како напредуваат нашите ученици во животот, а дел од нив веќе се професори на реномирани универзитети низ Европа“, изјави директорката на Гимназијата Марија Тодоровска.
На отворениот ден во Гимназијата присуствуваа и амбасодорите на Шпанија Хозе Луис Лозано Гарсија и на Франција Сирил Бoмгартнер.
Во рамките на настанот учениците изведоа омаж на француската култура и беше промовирана стихозбирка на шпанска писателка.
Во училишниот двор имаше дефиле на олдтајмери,стари авотомобили, што предизвика интерес и кај пошироката јавност.
Зачленете се во нашиот клуб на читатели и најновите текстови ќе ги добивате на вашата мејл адреса
