Грантови од 5.000 до 30.000 евра за граѓанските организации од Општина Куманово

Висината на средствата  за одобрени проекти ќе се движи од 307.000 МКД до 1.845.000 МКД. Граѓанските здруженија можат да аплицирааат со повеќе предлог-проекти, доколку вкупниот износ не надминува 3.690.000 денари.

На огласот може да се јават формално регистрирани граѓански организации (асоцијации/организации или фондации), согласно Законот за здруженија и фондации. Областите на кои се однесува повикот се проектите за заштита на животната средина, социјална кохезија и намалување на сиромаштијата,туризам и култура и младински иницијативи.

Рокот за пријавување е од 21.11.2022 до 19.12.2022 до 15 часот. Сите подетални информации за условите и насоките врзани за јавниот повик може да се видат на официјалниот сајт на Општина Куманово (https://kumanovo.gov.mk) и на страницата на УНДП (www.mk.undp.org).

Проектот е финансиран од Европската Унија и се реализира во 6 земји/територии од Западен Балкан, во периодот од март 2023 до февруари 2024 година. Проектите се со предвидено времетраење од 6 до 12 месеци.