Избран тимот за превенција од семејно насилство

Илиевска ја доби подршката од претставниците на невладините организации и институциите кои се вклучени во работата на телото. Во раководството на Советот се избрани и Сузана Николиќ новинар, одговорно лице за информирање, Виолета Стојановска јавен обвинител, одговорно лице за превенција и Рената Стаменковска адвокат, одговорно лице за советување.

Раководниот тим има задача да ја координира работата на Локалниот совет на превенција и да работи на создавање на усови на заштита на жртвите од семејно насилство. Во работата се вклучени сите институции кои се должни да го спречат семејното насилство, а ние ќе настојуваме да помогнеме во борбата против оваа несакана појава, која е во пораст во општината. Советот има задача во секоја институција да назначи по едно лице кое ќе ја прифаќа жртвата и со тоа нема да се дозволи таа да неме каде да се обрати. Крајна цел на Советот е да отвори сигурна куќа за заштита на жртвите од семејно насилство- вели Илиевска.

Локалениот совет за превенција од семејно насилство  беше формиран на иницијатива на Женскиот центар „Жена на 21 век„, а од септември продолжува да работи како независно тело.

Во советот се вклучени се и претставници од полицијата, судот, обвинителство, Центар за социјални работи, лекари, адвокати, медиуми, верски организации и образование. Стратегијата на Советот покрај Куманово ги опфаќа и општините Липково, Старо Нагоричане, Ранковце, Крива Паланка и Кратово. Работата на советот е подржана од Министерството за труд и социјална политика.