Зачленете се во нашиот клуб на читатели и најновите текстови ќе ги добивате на вашата мејл адреса
Во голем пожар завчера попладне изгоре дуќан за поправка на мобилни телефони на улица “Христијан Карпош“ во Куманово.
Објактот се запалил по 15 часот, додека дуќанот бил затворен и внатре немало никој. Пожарот го забележал братот на сопственикот, кој живее на истата улица, и повикал пожарна.
“Одоздола чадеше, кога дојдов поблиску да видам за што се работи внатре нешто експлодираше и ме турна два - три метри назад. Излогот цел се скрши. Внатре се е оштетено, се изгоре: инвентарот, робата и инсталацијата. Од пожарна многу брзо дојдоа, беа многу ефикасни и го изгаснаа пожарот“ - вели Сељами Реџепи, брат на сопственикот на работилницата.
Причините за избувнување на пожарот и причинетата материјална штета допрва ќе се утврдуваат.
Зачленете се во нашиот клуб на читатели и најновите текстови ќе ги добивате на вашата мејл адреса
