Изготвен проект за водоснабдување на Куманово и Липково

- Значајно е тоа што ќе се обезеди квалитетно водоснабдување за Куманово, Липково и околните населби. Ќе се надмине критичниот период посебно во летните месеци. Проектот се базира на зафаќање на вода околку акумулација Глажња, и за двете општини со тоа што комплетна контрола на испорачаната вода кон корисниците ќе биде со еден систем за мониторинг и управување. Ќе се примени опрема со која што далечински ќе може да се мери и регулира протокот за зафатената вода - вели Емилија Спировска, технички менаџер на “Хидроенерго инженеринг“.

Градоначалникот Зоран Дамјановки вели дека на ваков начин ќе се реши проблемот со дотур на вода. Станува збор за 17 км мрежа, која ќе овозможи непречено снабдување со вода.

- Протокот на водата ќе биде со можност над 500-600 литри во секунда за Куманово. Тоа е услов за понатамошна наша активност, за изработка на студија и барање на инвеститори за овој проект кој ќе го чини нашиот град 5,5 милиони евра, а за Липково ќе биде 3,5 милиони евра - објаснува Дамјановски.

Тој се надева преку некој од европските фондови ќе се добијат средства за реализација, а проектот ќе помогне за заштеда на вода и нејзино рационално трошење.