×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Fiore

    Изграден памп полигон за екстремни спортови со велосипеди и скејборди во Крива Паланка

    29.11.2023 17:38 | Жаклина Цветковска

    Памп-трак полигон  за велосипеди, скејтборди и слично  наменет за екстремни спортови, денеска  свечено  беше пуштен во употреба во Крива Паланка, во присуство на министерот за локална самоуправа Ристо Пенов  и постојаниот претставник на УНДП, Армен Григорјан.

     

    Изграден памп полигон за екстремни спортови со велосипеди и скејборди во Крива Паланка

    Проектот е избран преку спроведување на  форумски процес со партиципативно учество на граѓаните, кои дадоа најголема поддршка токму за овој предлог. Вкупната вредност изнесува 4 милиони денари, од кои 2.5 милиони се грант од Швајцарската влада и Министерството за локална самоуправа, преку Програмата за развој на Обединетите нации УНДП а  1.5 милиони денари се  кофинансирање од општината, во рамки на  проектот „Зајакнување на општинските совети-фаза 2“.

    „Оваа патека е нова можност за жителите на општината за дружење и за рекреација, се создаваат услови за развој на спортот, но и за локалниот развој, преку збогатување на понудата за домашните и посетителите од странство. Додадена вредност на овој проект е во тоа што е избран од граѓаните на Крива Паланка, во консултативен процес организиран од страна на општината“, рече министерот Пенов.

    Во рамки на посетата на Крива Паланка , Пенов и  претставникот од УНДП ја посетија и општинскта сала каде извршија  увид во новата ИКТ аудио-визуелна опрема за следење на седниците на Советот во живо. Финасиската поддршка за нејзина инсталација, во висина од 800.000 денари,  е обезбеден исто така од проектот „Зајакнување на општинските совети-фаза 2“.

    „Министерството за локална самоуправа во соработка со УНДП учествува во реализацијата на слични проекти во 40 општини, за што во периодот од 2022 до 2026 година се обезбедени 2 милиони долари, со поддршка на Швајцарската Влада. Најважно од се е граѓаните да ја препознаат корисноста од сопственото учество и да го валоризираат својот глас преку создавање на партнерства со локалните власти и заедничко подобрување на условите за живеење во локалната заедница“, подвлече Пенов.