Зачленете се во нашиот клуб на читатели и најновите текстови ќе ги добивате на вашата мејл адреса
Во Центарот за култура “Трајко Прокопиев“ утревечер во 19.30 часот, ќе биде отворена изложбата на фотографија “Полска во објективот“.
Изложбата ја реализираат Центарот за култура во соработка со Амбсада на Република Полска во Македонија и Македонско - полско културно друштво “Вардар“ од Скопје.
“Полска во објективот“ е избор на фотографии од богатата, така наречена “Шлонска колекција на фотографии“, која покрај класичната хартиена верзија, поседува и соодветна електронска форма. Колекцијата е при Галеријата во Катовице, чии сопственици се членовите на Здружението на полски уметници фотографи, Оддел Шлонски во Катовице. Одделот датира од 1934 година, основан од Јузеф Хавличек, а Галеријата работи повеќе од 30 години и за тој период има реализирано повеќе од 300 изложби на фотографии.
Зачленете се во нашиот клуб на читатели и најновите текстови ќе ги добивате на вашата мејл адреса
