Зачленете се во нашиот клуб на читатели и најновите текстови ќе ги добивате на вашата мејл адреса
Во фоајето на Центарот за култура „Трајко Прокопиев“ во Куманово утре во 19 часот ќе биде отворена националната изложба „Жените и фотографијата“, која ја организира Фото клубот Куманово по повод Меѓународниот ден на жената 8 Март.
На изложбата ќе бидат поставени над 50 фотографии на две теми.Ставен е акцент на жената - нејзината појава и улоги во еден организиран визуелен облик кој заслужува внимание, и слободна тема како простор за интерпретација на светот околу себе виден преку објективот на жените автори.
„Проектирани се личните доживувања на стварноста и феноменот на секојдневието со разновидни стилски определби, но со исти цели во естетска и емотивна основа на своето творештво, изразувајќи се во жанрот кој највеќе соодветвува со нивниот сензибилитет. Разновидноста, актуелноста и автентичноста на нивните уметнички сфаќања и толкувања, високиот степен на естетска свест ги чини рамноправни членови во оваа креативна дејност“, велат организаторите од Фото Клуб Куманово.
На изложбата учествуваат познати фотографки и ученички кои беа дел од проектот кој го организираа актерки, фотографки и сликарки.
Коорганизатори на изложбата се Центарот за култура и Општина Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
